喺香港買澳門手信話咁易！！英記花生糖冇得輸！！

啱啱由又同班老死去咗澳門玩兩日，住下酒店通宵談心，夠晒Relax！雖然而家有港珠澳大橋，但係人又多、又要逼車，又要等車，見到都驚！我都係鍾意搭船過去，一去到澳門即刻同個friend plan行程時，就講明回程嗰日至少要留兩三個鐘畀我買澳門手信，一來自己超鍾意食，二來大把親朋戚友等住我派手信！對我嚟講，去親澳門買澳門手信係必備環節！

諗起以前每次買手信都幾頭痛㗎，因為親朋戚友同事太多，個個都鍾意食，每次起碼買四五袋返嚟，過關上船落船幾鬼煩呀，如果同埋細路過去都唔知顧得邊樣！但我而家就醒咗呢！！買澳門手信已經九成都係買花生糖多，事關上年，無意中係英記餅家試過佢哋啲花生糖，覺得味道真係好唔錯！尤其係佢隻黑芝麻花生糖，我就特別力推，黑芝麻味好重，甜度又好適中，最重要係個質感唔會太硬，食起上嚟好易入口！咁我就買咗幾盒畀啲同事同老公食，我就係貪佢細細樽夠曬方便拎，就算買好多樽都係一袋搞掂！唔使好似其他咁大大盒，帶返公司都方便啲啦！啲同事試過都讚不絕口，同埋花生糖好啱擺喺公司度食，樽裝容易擺位，密封樽蓋又唔使一兩日食晒喎，自此之後，我每次去澳門，都會買好多花生糖做手信！

我自己都試過幾隻唔同牌子嘅花生糖，始終最鍾意都係英記，一來味道選擇多，二來我覺得佢嘅花生糖無論包裝同埋個味道都最有懷舊feel！上次我攞嚟送畀個鬼佬上司，佢不知幾鐘意呀，食完仲留低咗個樽！講緊買手信不得不提嘅梗係要啲分店好就腳啦！我初初發現英記，喺佢度買嘢都係因為佢喺客運碼頭已經有分店，回程搭船嘅時候買手信一流，唔使抽住啲手信周街走，唔好睇小呀，一袋都好鬼重嫁！同埋我自己不嬲鍾意住威尼斯人同金沙酒店，咁啱佢都喺呢啲酒店嘅購物中心度有分店，所以完全就曬腳！咁當然啲熱門嘅地點，大三巴、十月初五街梗係走唔甩實有啦！所以要買一啲都唔難，有時自己行行下街，都會忍唔住買嚟自己食，回程去碼頭嘅時候先至 再買幾袋走人，絕對係澳門手信平靚正之選！我啱啱仲發現咗原來英記喺香港西九龍高鐵站都開咗舖位，太正喇！以後喺香港買澳門手信方便得多，買完直接搭高鐵返大陸拎畀大陸啲親戚，諗起唔使再山長水遠喺澳門拎返香港再拎返大陸，真係要畀個讚英記！！